 |
| Svetainės tvarkdarys |
 |
Užsiregistravo: 05 Spa 2006 01:16
Pranešimai: 27135
Miestas: Ignalina
|
ГАЛИЦЬКО-ВОЛИНСЬКИЙ ЛІТОПИС
http://litopys.org.ua/oldukr/galvollet.htm
[Іпатіївський список. За виданням:
Галицко-Волынская летопись (подг. О.П.Лихачевой) / ПЛДР: XIII век. — М., 1981. — 236-425.]
Див. також: Галицько-Волинський літопис за Острозьким списком.
Выдержка
Въ лЂто 6754 [1246]. Придоша литва и воеваша около ПересопницЂ Аишьвно Рушькович. Данило же и Василко ехаша во Пинескъ и предъвариста его, дондеже приходъ его. Онемь же идущимь по полю Пиньскуму, изиидоста на нЂ из града. Поганым же одинако гордость имЂющим во сердци своемь, погнаша е. Онем же не стЂрпЂвшимъ побЂгоша, бЂжащим же имъ падаху с коний. Василко же приведе первый саигатъ ко брату си. Всии же воии его избьени быша, самому же Рюшковичьу у малЂ утекшю. И бысть радость велика во градЂ ПиньскЂ о побЂдЂ Данила и Василка, всь бо плЂнъ отъяста, богу помогающу имъ.
В лЂто 6755 [1247]. Воеваша литва около МЂлницЂ Лековнии, великъ плЂнъ прияша. Данило же и Василко, гнаста и по нихъ до Пиньска. Во Пиньски бо Михаилъ далъ бЂ имъ вЂсть. ОнЂм же ставшимъ осЂкшимся в лЂсЂ, далъ бо бЂ имъ и Михаилъ вЂсть, буда в ПиньскЂ. Данилъ же и Василко погнаша на нЂ, и дворьскый Яковъ вое свое. Лит†же и не емшем вЂры Михайлови, изиидоша и становъ своих. Милостью божиею побЂгшимъ литвЂ, и избити быша, и плЂнъ всь отъяша, а самъ Лонъкогвени боденъ утече. Иде вЂсть Данилу и Василку, и бысть радость велика во ПиньскЂ, градЂ.
Преже же воиныи Данилови Черниговьское сЂдящу ему в ГаличЂ, а Василку в ВолодимерЂ.
Въ лЂто 6756 [1248]. Воеваша ятвязЂ около Охоже и Бусовна, и всю страну и ту поплЂниша, и еще бо Холму не поставлену бывъшю Даниломъ. Гна же по нихъ Василко изъ ВолодимЂря, угони е, и бывшу ему третий день изъ Володимеря в ДорогычинЂ. Оньмь же бьющимся у воротъ Дорогычинъскыхъ, и приде на нЂ Василко. ОнЂм же вьзьехавшимъ имъ противу и не стерпЂвшимъ от лица Василкова, богу помогшу, побЂгоша злии погании. И бысть на нЂ сЂча люта, и гнаша е за много поприщь, и убито бысть князии сорокъ, инии мнозии избьени быша и не востаяша. Посла и во Галичь ко брату си. И бысть радость велика во градЂ томъ ГаличЂ день той.
Василко бо бЂ возрастомъ середний, умомъ великъ и дерзостью, иже иногда многажды побЂжаше поганые, или иногда многажды посылающима има на поганыя. Еже Скомондъ и Боруть зла воиника, иже убьена быста посланиемь. Скомондъ бо бЂ волъхвъ и кобникъ нарочитъ, борзъ же бЂ, яко и звЂрь, пЂшь бо ходя повоева землю Пиньскую, иныи страны, и убьенъ бысть нечестивый, и глава его взотъчена бысть на колъ. И во иная времена божиею милостью избьени быша погании, ихже не хотЂхомъ писати от множества ради.
Въ лЂто 6758 [1250]. Приславшу же МогучЂеви посолъ свои к Данилови и Василкови, будущю има во Дороговьскыи: «Дай Галич», бысть в пЂчали велицЂ, зане не утвердилъ бЂ землЂ еЂ городы. И думавъ с братомъ своимъ и поЂха ко Батыеви река: «Не дамъ полу отчины своей, но Ђду к Батыеви самъ».
Изииде же на праздник святаго ДмитрЂя, помолився богу и приде Кыеву, обдержащу Кыевъ Ярославу бояриномъ своимъ Ейковичемь Дмитромъ. И пришед в домъ архистратига Михаила, рекомый Выдобичь, и созва калугеры и мниский чинъ и рекъ игумену и всей братьи, да створять молитву о немь. И створиша, да от бога милость получить. И бысть тако, и падъ пред архистратигомъ Михаиломъ, изииде из манастыря въ лодьи, видя бЂду страшьну и грозну.
И прииде Переяславлю, и стрЂтоша татаровЂ. Оттуда же Ђха къ КуремЂсЂ и видЂ, яко нЂсть в них добра.
Оттуду же нача болми скорбЂти душею, видя бо обладаемы дьяволомъ: сквЂрная ихъ кудЂшьская бляденья, и Чигизаконова мечтанья, сквЂрная его кровопитья, многыя его волъжбы. Приходящая цари, и князи, и велможЂ солнцю и лунЂ и земли, дьяволу и умершимъ въ адЂ отцемь ихъ и дЂдомъ и матеремь водяше около куста покланятися имъ. О сквЂрная прелесть ихъ!
Се же слыша, велми нача скорбЂти.
Оттуда же приде к Батыеви на Волгу. Хотящу ся ему поклонити, пришедшу же Ярославлю человЂку. Сънъгурови, рекшу ему: «Брат твои Ярославъ кланялъся кусту и тобъ кланятися». И рече ему: «Дьяволъ глаголеть из устъ ваших. Богъ загради уста твоя и не слышано будеть слово твое». Во тъ час позванъ Батыемь, избавленъ бысть богомъ и злого их бЂшения и кудЂшьства. И поклонися по обьчаю ихъ, и вниде во вежю его. Рекшу ему: «Данило, чему еси давно не пришелъ? А нынЂ оже еси пришел — а то добро же. Пьеши ли черное молоко, наше питье, кобылий кумузъ?» Оному же рекшу: «ДоселЂ есмь не пилъ. НынЂ же ты велишь — пью». Он же рче: «Ты уже нашь же тотаринъ. Пий наше питье». Он же испивъ поклонися по обычаю ихъ, изъмолвя слова своя, рече: «Иду поклониться великой княгини Баракъчинови». Рече: «Иди», Шедъ поклонися по обычаю. И присла вина чюмъ и рече: «Не обыкли пити молока, пий вино».
О злЂе зла честь татарьская! Данилови Романовичю, князю бывшу велику, обладавшу Рускою землею, Кыевомъ и Володимеромъ и Галичемь со братомъ си, инЂми странами, ньнЂ сЂдить на колЂну и холопомъ называеться! И дани хотять, живота не чаеть. И грозы приходять. О злая честь татарьская! Его же отець бЂ царь в Руской земли, иже покори Половецькую землю и воева на иные страны всЂ. Сынъ того не прия чести. То иный кто можеть прияти? ЗлобЂ бо ихъ и льсти нЂсть конца. Ярослава, великого князя Суждальского, и зелиемь умориша, Михаила, князя Черниговьского, не поклонившуся кусту, со своимъ бояриномъ Федоромъ, ножемь заклана быста, еже предЂ сказахомъ кланяние ихъ, еже вЂнЂць прияста мученицкы. Инии мнозии князи избьени быша и бояре.
Бывшу же князю у них дний 20 и 5, отпущенъ бысть, и поручена бысть земля его ему, иже бЂаху с нимь. И приде в землю свою, и срете его братъ и сынови его, и бысть плачь обидЂ его, и болшая же бЂ радость о здравьи его.
Тое же зимы Кондратъ присла посолъ по Василка, река: «Поидемь на ятвязЂ». Падшу снегу и серену, не могоша ити и воротишася на НурЂ.
Бысть же вЂдомо странамъ приход его всимъ ис татаръ, яко богъ спаслъ есть его.
Въ то ж лЂто присла король угорьскый вицькаго река: «Поими дщерь ми за сына своего Лва». Бояше бо ся его, яко былъ бЂ в татарЂхъ, побЂдою побЂди Ростислава и угры его. Помыслив же си с братомъ, глаголу его не уя вЂры, древле бо того измЂнилъ бЂ, обЂщавъ дати дщерь свою.
Курилъ бо митрополитъ идяше посланъ Даниломъ и Василкомъ на поставление митрополье Руской. Бывшу же ему у короля, убЂди и король словесы, многими дары увЂщова, яко: «Проведу тя у грькы с великою честью, аще створить со мною миръ». Онъ же рече: «Клятвою клени ми ся, аще не премЂниши слова своего, азъ шедъ приведу и».
Пришедъ же митрополитъ и рече ему: «Хотение твое у тебе есть». Поими дщерь его сыну си женЂ». Василкови же рекшу: «Иди к нему, яко крестьянъ есть». Оттуда же Данилъ поиде, поемь сына своего Лва и митрополита, иде к королеви, и во Изволинъ, и поя дщерь его сыну си женЂ, и отдасть ему ятыя бояры, еже богъ вдасть в руцЂ его, одолЂвшу ему с братом Ярославля. И створи с нимъ миръ и воротися в землю свою.
Въ лЂто 6759 [1251]. Умре князь великий лядьскый Кондратъ, иже бЂ славенъ и предобръ. Сожалиси по немь Данило и Василько. Потом же сынъ его умре Болеславъ Мазовешьскый князь, и вдасть Мазовешь брату своему Сомовитови, послушавъ князя Данила: бЂ бо братучада его за нимъ, дочи Александрова, именемь Настасья, яже посяже потом за боярина угорьского, именемь Дмитра.
В та же лЂта седе Самовитъ во Мазовши. Посла к нему Данило и Василко, рекша ему, яко: «Добро видилъ еси от наю и изиди с нами на ятвезЂ». И у Болеслава помочь пояста Суда воеводу и СигнЂва, и сняшася во ДорогычинЂ, и поидоша, и преидоша болота, и наидоша на страну ихъ.
Не стерпЂвшимъ же ляхом, зажгоша ихъ первую всь: тЂмь бо зло створиша и знаменье имъ подаша, гнЂвъ бо имеше на нЂ Данилъ и Василко. И воеваша Ђ до вечера, и плЂнъ великъ приимше. Вечеру же бывшу, приЂхаша злиньци, и собрався вся земля Ятвеская, и прислаша Данилу Небяста, рекуще: «Оставь намъ ляхы, а самъ поиди миренъ изъ землЂ нашее». И хотЂния не получиша. Ляхом же осторожившимся, нападоша нощь на ляхы. А руси не острожившимъся. Ляхом же крЂпко борюще и суличами мечюще и головнями яко молнья идяху, и каменье яко дождь с небеси идяше. Ляхом же злЂ стражющимъ, посла Сомовит моляся: «Пришлита ми стрЂльцЂ». Она же держаста гнЂвъ про зажьженье первое, одва посласта, занеже острогъ проломити хотяху, из ручь бодяхуся. Пришедшимъ же стрЂлчемь, многы язвиша, и многи умориша стрЂлами, и возразиша Ђ от острога. Тое же нощи не бысть покоя от нихъ.
НаутрЂя же собрашася вси ятвязЂ, пЂшци и снузничи мнози зЂло. яко и лЂсомъ ихъ наполълнитися. Воставше же, зажьгоша колимогы своя, рекше станы, во день воскресения, рекше, недЂля. Данилови же князю пошедшу напередъ и отшедшю далече с Болеславли ляхы, Василкови же оставшу со Сомовитомъ, Лазореви же назадЂ бывшу с половци, нападоша на нь крЂпко и хоруговь его отъяша. ПрибЂгши же ему к Василкови и Сомовитови, бысть брань люта межи има. Падающимъ же от обоихъ много. Василкови же и Сомовитови крЂпко держати брань. АндрЂеви же дворьскому, сердце крЂпко имушю, нездравие же тЂло его обьдерьжаше и руцЂ, потокшу же ему во ротныЂ. копие упусти и за мало не убьенъ бысть.
Посла же Василко ко брату си, глаголя, яко: «Брань си велика есть. Потъснися к намъ». Данилови же навратившуся, и гнаша Ђ до лЂса. ОнЂмь же одинако належашимъ на нЂ, падшимъ же многим межи ими. Федоръ Дмитровичь крЂпко боря раненъ бысть, еже с тоя раны смерть приятъ на рЂцЂ Наръви.
Ящелъту же рекшу: «ЛЂпо есть сЂдЂти намъ! Аше ли жалуете насъ, то преже себе жалуйте, и бещестья своего: нашими бо головами сдержати честь свою», И и бысть тако, каза Данило сосЂдати воемь своимъ. СсЂдше же поидоша же и поидоша и умякчиша сердца ятвязьмь, узрЂвше крЂпость рускую и лядьскую.
Идущимъ же имъ и плЂнящимъ и жгущимъ землю ихъ, прешедшимъ же имъ рЂку Олегъ, хотЂвшимъ имъ стати в тЂсных мЂстЂхъ, узрЂвъ же князь Данилъ, воспивъ и рече имъ: «О мужи воистии! Не вЂсте ли, яко крестьяномъ пространьство есть крЂпостъ, поганым же есть тЂснота, деряждье обычай есть на брань». И проиде жаку плЂняя и прииде на чиста мЂста, сташа станомъ. Ятвязем же одинако нападающимъ на нЂ, и гнаша русь и ляхове по них, и мнози князи ятвязьсции изъбьени быша; и гнаша Ђ до рЂкы Олга, и преста брань.
Наутрея же вожемь не вЂдущимъ, блудящимъ я, два варва убьена быста, третьего жива яша рукама, и приведенъ бысть ко князю Данилови. Рече же ему: «Изведи мя на путь правый, животъ примеши». И вдасть ему руку, изведе его, и предоша рЂку Лъкъ.
НаутрЂя же пригнавъшимъ к нимъ прусомъ и бортомъ. И воемь же всимъ съсЂдшимъ, и воружьшимъся пЂшьцемь исо стана, щитЂ же ихъ, яко заря бЂ, шоломъ же ихъ, яко солнцю восходящу, копиемь же ихъ дрьжащимъ в руках, яко тръсти мнози, стрЂлчемь же обаполъ идущимъ и держащимъ в рукахъ рожанци своЂ и наложившимъ на нЂ стрЂлы своя противу ратным, Данилови же, на конЂ сЂдящу и воЂ рядяшу. И рЂша прузи ятвяземь: «Можете ли древо поддрьжати древо суличами и на сию рать дерьзнути?» Они же видЂвше и возвратишася восвояси.
Оттуда же князь Данилъ приде ко ВизьнЂ и преиде рЂку Наровь. И многи крестьяны от пленения избависта, и пЂснь славну пояху има, богу помогшу има, и придоста со славою на землю свою, наследивши путь отца своего великаго Романа, иже бЂ изоострился на поганыя, яко левъ, имже половци дЂти страшаху.
Въ лЂто 6760 [1252]. Присла король угорьскы к Данилу, прося его на помощь, бЂ бо имЂ рать на бой с нЂмци. Иде ему на помощь и приде къ Пожгу. Пришли бо бяху посли нЂмЂцкыи к нему. БЂ бо царь обьдержае в едень землю Ракушьску и Штирьску, герцюкъ бо уже убьенъ бысть, БЂ бо имена посламъ: воевода царевъ и пискупъ Жалошьпурьскый, рекомый Сольскый, и Гарихъ Поруньскый, и Отагаре теньникъ, ПЂтовьскый. ВъзьЂха же король с ними противу же Данилу князю. Данила же приде к нему, исполчи вся люди своЂ. НЂмьци же дивящеся оружью татарьскому, бЂша бо кони в личинахъ и в коярЂхъ кожаныхъ, и людье во ярыцЂхъ, и бЂ полковъ его свЂтлость велика от оружья блистающася, Самъ же Ђха подлЂ короля, по обычаю руску. БЂ бо конь под нимь дивлению подобенъ, и сЂдло от злата жьжена, и стрЂлы и сабля златомъ украшена иными хитростьми, якоже дивитися, кожюхъ же оловира грЂцького и круживы златыми плоскоми ошитъ, и сапози зеленого хъза шити золотомъ. Немцем же зрящимъ, много дивящимся.
Рече ему король: «Не взялъ быхъ тысяще серебра за то, оже еси пришелъ обычаемь рускимь отцевъ своихъ». И просися у него въ стань, зане зной бЂ великъ дне того, Онъ же я и за руку и веде его в полату свою, и самъ соволочашеть его, и облачашеть и во порты своЂ, и таку честь творяшеть ему.
И прииде в домъ свой,
Въ то же лЂто изгна Миндогъ сыновца своего Тевтевила и Едивида, пославшю ему на войну со вуемь своим на войну со Выконтомъ, на Русь воевать ко Смоленьку. И рЂче: «Што хто приемлеть, собЂ дерьжить». Вражбою бо за ворожьство с ними литву зая, поимана бЂ вся земля Литовьская и бещисленое имЂние их, притрано бЂ богатьство ихъ. И посла на нЂ вои своЂ, хотя убити и я. ОнЂма же увЂдавшима, и бЂжаста ко князю Данилу и Василкови, и приЂхаша во Володимеръ. Миндогови же приславшю слы своя, река: «Не чини има милости». Не послушавъшима има Данилови и Василкови, зане сестра бЂ ею за Даниломъ.
Потом же Данило сгада с братомъ си и посла в ляхы ко княземь лядьскьмь, река, яко: «Время есть христьяномь на поганЂЂ, яко сами имЂють рать межи собою». Ляхове же обЂщашася, нъ нЂ исполниша. Данилу же и Василку пославшима Выкыньта во ятвязЂ и во жемойтЂ ко нЂмцемь в Ригу, и Викынтъ же убЂди я серебромъ и дарми многими ятвязЂ и полъ жимойти. Немцем же отвЂщавшимъ Данилу, яко: «Тебе дЂля миръ створимъ со Выкынтомъ, зане братью нашу многу погуби». ОбЂщаша же ся немци братья яти на помошь Тевтивулу. Данило же и Василко поидоста к Новугороду.
Данилъ же и Василко, братъ его, розгадавъ со сыномъ, брата си посла на Волковыескь, а сына на Услонимъ, а самъ иде ко Здитову. И поимаша грады многы и звратишася в домы.
Потом же присла Выкынтъ, рекый, яко нЂмцЂ хотять востати на помощь Тевтивилу. И посла Данило Тевтивила и помочь собЂ и с нимь русь и половцЂ, и многое воевание бысть межи ими.
Оттуда же Тевтивилъ иде с полономъ Даниловымъ в Ригу, и прияша рижани с великою честью, и крещенъ бысть.
УвЂдав же се Миндого, яко хотять ему помогати божии дворянЂ и пискупъ и вся вои рижьзкая, и убоявся, посла тайнЂ ко АндрЂеви, мастеру рижьску, и убЂди и дарми многими, сирЂчь умоли его, послалъ бо бЂ злата много и сребра, и сосуды серебреныи и златыи и красныи, и конЂ многы, рекый: «Ащь убьеши и женеши Тевтивила, и еще болша сих приимеши». Оному же рекъшу: «Не можеши избавленъ быти, аще не послеши к папЂ и приимеши крещения, не одолЂеши врагу. Дружбу имЂю к тебе». О злЂе зла! Златомь ослЂпихъ очи свои, имже нынЂ пакы от нихъ бЂду приемлеть. Миндогъ же посла к папЂ и прия крещение, крещение же его льстиво бысть, жряше богомъ своимъ в тайнЂ: первому НънадЂеви, и Телявели, и Диверикъзу заеячему богу, и МЂидЂину, — егда выЂхаше на поле, и выбЂгняше заяць на поле, в лЂсъ рощЂния не вохожаше вону и не смЂяше ни розгы уломити. И богомь своим жряше, и мертвых телеса сожигаше, и поганьство свое я†творяше.
Тевтивилу же исповЂдЂ пискупъ и пребощь Вирьжань, сожалишаси по немь, вЂдяху бо, аще Тевътивилъ не бы изгнанъ, Литовьская земля в руку бЂ ихъ, и крещение неволею прияли быша. Си же вся некрестьяных литву створи АндрЂй, и изгнанъ бысть сану своего от братья. Тевтевилъ же прибЂже во Жемойть ко вуеви своему Выкынтови, поима ятвязЂ и жемойть и помощь Данилову, иже бЂ далъ ему Данилъ древле, иде на Мидогва.
Миндъвгъ же собрался бЂ и умысливъ же собЂ не битися с ними полкомъ, нъ вниде во град именемь Ворута. И высла шурина своего нощь, и розгнаша и русь и ятвязЂ. НаутрЂя же выЂхаша нЂмцЂ со самострЂлы, и Ђхаша на нЂ русь с половци и стрЂлами и ятвязи со сулицами, и гонишася на поли подобной игрЂ. Оттуда же вратишася во жемойть.
И приде Миндовгъ, собравъ силу велику, на город Выкинтовъ именемь Твиреметь. ВыЂха же Тевтевилъ изъ города, русь и половци Даниловы с ними и жемойть с ними и мнозии пЂшсцЂ. Гонящимъ же имъ застрЂли кочь половчинъ Миндогова въ стегно, и возвратися Минодовгъ в землю свою. Многымъ же ратьнымъ бывшимъ межи ими. Висимотъ подъ тЂм же градомъ убьенъ бысть.
Въ лЂто 6761 [1253]. Тевтивилъ присла Ревбу река: «Поиди к Новугороду». Данило же поиде с братомъ Василкомъ и со сыномъ
Лвом и с половци со сватомъ своимъ ТЂгакомъ, и приде к Пиньску. Князи же ПиньсцЂи имЂяху лесть и поя Ђ со собою неволею на войну. И послаша сторожЂ литва на озерЂ ЗьятЂ, и гнаша чересъ болота до рЂкы ЩарьЂ. Совокупивошим же ся воиемь всим, свЂтъ створиша, рекуще, яко: «ВЂсть уже есть на насъ». Прящим же ся имъ, не хотящимъ ити воеватъ, Данилъ же мудростью рЂчь створи, яко: «Срамоту имЂем от литвы и от всихъ земль, аще не доидемь и вратимься. НаутрЂя же — рече — свЂтъ створим». ТоЂ нощи пославъ по всимъ воемь, рекый: «Поидете, да разумно будеть всимъ не хотящимъ ити на войну». И зрЂвше же воЂ пошедшиЂ, и сами нужею поидоша, инии же вси.
НаутрЂя же плЂниша всю землю Новгородьскую. Оттуда же возвратишася в домъ свой. Ятвязем же поЂхавшим на помощь Данилу, не могоша доЂхати, зане снЂзи велицЂ быша. Оттуда же возвратишася с помощью божиею, приемше плЂнъ великъ.
Потом же посла с братомъ и со сыномъ Романомъ люди своя, и взяста Городенъ, а сама воротистася от БЂльска. Потом же посласта многы своя пЂшьцЂ и коньникы на град ихъ и плЂниша всю воотчину ихъ и страны их.
Миндог же посла сына си и воева около Турьска.
Того же лЂта присла Миндовгъ к Данилу, прося миру и хотя любви, о сватьствЂ. Тогда же Тевтилъ прибЂже к Данилу и жемойть и ятвязь, река, яко: «Миндовгъ убЂди я серебромъ многимъ». Данилу же гнЂвъ имЂющю на нЂ.
**********************************************
http://lib.pushkinskijdom.ru/Default.aspx?tabid=4961
В год 6760 (1252). Прислал король угорский к Даниилу, прося его помощи, так как в то время у него шла война с немцами. Даниил пошел к нему на помощь и пришел к Пожгу. Пришли к нему послы немецкие. Был царь, который владел один землями Рагузской и Штирийской, а герцог был уже убит. Имена послов таковы: царский воевода и епископ Жалошпурский, то есть Сольский, Гарих Поруньский и Отто Гарретенник Петовский. Поехал король с ними против князя Даниила. Даниил же пришел к нему, приготовив к битве всех людей своих. Немцы удивлялись татарскому вооружению: кони были в личинах и кожаных коярах, а люди — в кольчугах, и сияние великое исходило от полков от блеска оружия. Сам Даниил ехал, подле короля, по русскому обычаю: конь под ним был на удивленье, седло из жженого золота, стрелы и сабля украшены золотом и другими украшениями, достойными удивления: кожух из греческого оловира, обшитый широким золотым кружевом, сапоги из зеленой кожи, шитые золотом. Немцы смотрели и сильно дивились.
И сказал Даниилу король: «Я отказался бы от тысячи серебра, лишь бы ты пришел,— по русскому обычаю своих отцов». Даниил попросился у него в стан, потому что был сильный зной в тот день. Король взял его за руку, и ввел в свою палатку, и сам его раздел и одел в свои одежды, такую честь оказал он ему.
И возвратился Даниил к себе домой.
В тот же год Миндовг изгнал своих племянников Тевтивила и Едивида, он послал их на войну вместе с их дядей Выкинтом на Русь воевать, к Смоленску, и сказал: «Кто что захватит, пусть тем и владеет». Сам же он коварством из-за вражды завладел литвой, захватил всю землю Литовскую и бесчисленные их имения и прибрал к рукам их богатство. Миндовг послал вслед своих воинов, желая их убить. Они же, узнав об этом, бежали к князю Даниилу и Васильку и приехали во Владимир. Миндовг же прислал послов своих, говоря: «Не оказывай им милости». Но Даниил и Василько его не послушали, потому что их сестра была замужем за Даниилом.
Потом Даниил договорился с братом своим и послал в Ляшскую землю к князьям ляшским, говоря: «Сейчас время идти христианам на язычников, потому что у них война между собой». Ляхи обещали, но не сдержали слово. Даниил и Василько послали Выкинта к ятвягам и жмуди и к немцам в Ригу, и Выкинт подкупил серебром и многими дарами ятвягов и половину жмуди. А немцы ответили Даниилу: «Ради тебя мы заключим мир с Выкинтом, хотя он много наших братьев погубил». Немецкие рыцари обещали идти на помощь Тевтивилу. А Даниил и Василько пошли к Новогрудку.
Когда Даниил посовещался с Васильком, братом своим, и со своим сыном, то послал Даниил брата своего на Волковыйск, а сына на Услоним, а сам пошел к Здитову. Они захватили много городов и возвратились домой.
Потом прислал посла Выкинт, сообщая, что немцы хотят стать на помощь Тевтивилу. И послал Даниил в поход Тевтивила, и в помощь ему дал русских и половцев, и вели они долгую войну.
Оттуда Тевтивил пошел с Данииловыми пленниками в Ригу, и рижане приняли его с великой честью, и он был крещен.
Узнал Миндовг, что хотят помогать Тевтивилу божий дворяне, и епископ, и все рижские воины, испугался и тайно послал к Андрею, рижскому магистру, и уговорил его с помощью богатых даров, то есть умолил его, послав много золота и серебра, и прекрасных сосудов серебряных и золотых, и коней много, и сказал он: «Если ты убьешь или выгонишь Тевтивила, получишь еще больше». Но тот сказал: «Не избавиться тебе от этого; если не пошлешь к папе и не примешь крещения — не одолеть врага. А я к тебе дружбу имею». О, злее зла! Золотом ослепил глаза свои, а теперь снова от них беду примет. Миндовг послал к папе и принял крещение, но крещение его было ложно, он приносил втайне жертвы своим богам: первому Нонадею, и Телявелю, и Диверикзу, заячьему богу, и Мидеину (когда выезжал в поле и выбегал заяц на поле, он не входил в лес и не смел и прута сломить). Он приносил жертвы своим богам, сжигал тела мертвых и открыто держался языческих обычаев.
Тевтивила же поддерживал епископ и пробст Виржан, которые жалели о нем, ибо знали, что, если бы Тевтивил не был изгнан, Литовская земля была бы в их руках и поневоле приняла бы крещение. А что литовцы не крестились, виноват Андрей, за что он был орденом отлучен от своего сана. Тевтивил же прибежал в Жмудскую землю к своему дяде Выкинту, прихватив ятвягов, жмудь и помощь Даниила, которую дал ему Даниил еще прежде, и пошел на Миндовга.
Миндовг же подготовился, но решил не биться с ними полком, а ушел в город под названием Ворута. Он ночью выслал своего шурина, однако того прогнали русские и ятвяги. Утром выехали немцы с самострелами, и поехали против них русские и половцы со стрелами и ятвяги с сулицами, и они гонялись по полю, как будто в игре. И затем вернулись в Жмудскую землю.
И пришел Миндовг, собрав великую силу, в город Выкинта, называемый Тверимет. Выехал Тевтивил из города, а с ним русские и половцы Данииловы, и жмудь с ними, и многие пехотинцы. В погоне за ним половчин попал стрелой в бедро Миндовгова коня, и Миндовг возвратился в свою землю. И много битв было между ними. Висимот под тем городом был убит.
_________________
Tautos jėga ne jos narių vienodume, o vienybėje siekiant pagrindinio tikslo - Tautos klestėjimo.
|
|
Prisijungti
Registruotis
DUK
Ieškoti
Dalyvių sąrašas
